Lajme sportive

Titulli: Lajme sportive Fri Sep 14, 2007 8:09 pm

Trajneri i skuadres perfaqesuese
shqiptare, kroati Otto Bariç, profetsia e te cilit predominoi gjate
ndeshjes kualifikuese ndaj Hollandes ku nje anshmeria e gjyqtarit
anglez ne disa raste te kontensuara, tregoi se trajneri i skuadres
perfaqesuese e ndjente friken e gjykimit perkrahes te skuadrave me
emer. Frike e cila padyshim qe i bashkangjitej edhe dilemes dhe
tensionit qe ka perfshire lenia pezull e bisedimeve rreth kontrates dhe
rinovimit te saj midis drejtuesave te Federates shqiptare te futbollit
dhe trajnerit Baric. Pak çaste perpara ndeshjes midis Hollandes dhe
Shqiperise te dyja palet, perfshi dhe avokatin ndermjetes Skender Fani
paten nje bisede miqesore. Midis tyre eshte shprehur interesimi per nje
bashkepunim te ardhshem qe normalisht ka qene hap pozitiv. Megjithate,
nuk eshte folur aspak per nje percaktim te sakte ose “dateline” per
rinovimin. Presidenti i FSHF-se Armando Duka ka shprehur pozitivisht
interesimin e tij per nje rinovim te ardhshem, por si gjithnje ai cdo
gje e le deri per minuten e fundit dhe te papercaktuar, duke patur
parasysh moshen relativisht te madhe te trajnerit kroat dhe gjendjen e
mundshme shendetsore ne te cilen ndodhet Baric per te perballuar punen
voluminoze qe kerkon angazhimi me kombetaren. “Une ndjehem shume mire
dhe besoj se jam ne gjendje ta drejtoj skuadren edhe per dy vjet te
tjera “ u shpreh Otto Baric per Albaniasoccer.com, nderkohe qe
presidenti Armando Duka nga ana e tij mendon se Baric eshte emri primar
per te qendruar ne krye te pankines “kuqezi”. “Padiskutim qe Otto eshte
mundesia kryesore, por ne kemi filluar bisedimet e para dhe do te
vazhdojme edhe me tej “, u shpreh Presidenti Duka per Albaniasoccer.com
pas bisedes qe paten ne Hollet e Hotel Adriatik, disa ore perpara
fillimit te takimit Shqiperi - Hollande
_________________

TE DUA JETA IME

Titulli: Re: Lajme sportive Fri Sep 14, 2007 8:09 pm

Në ndeshjen e ditës së mërkurë në
stadiumin “Qemal Stafa” ndaj Holandës së Van Bastenit, skuadra jonë
përfaqësuese ka humbur një takim të dyshimtë përballë “tulipanëve”, por
në këtë takim e gjithë Shqipëria ka fituar diçka të veçantë, e cila nuk
blihet apo shitet me para, por është e lidhur me zemrat e atyre
tifozëve, të cilët nuk ndalojnë së përkrahuri për 90-minuta skuadrën e
tyre të zemrës. Të ardhur nga të gjitha trevat shqiptarët ishin si një
trup i vetëm ditën e mërkurë dhe gjatë 90 minutave kanë kënduar,
brohoritur, duartrokitur lojën e gladiatorëve të tyre në fushën e
blertë. Sigurisht respekt të veçantë meriton ajo pjesë e tifozerisë, e
cila ishte bashkuar në tribunën D3. Në atë pjesë ishin bashkuar
tifo-grupe të njohura, pasi kjo gjë ishte përcaktuar në takimin e
organizuar prej grupit tifozerik Plisat nga Prishtina, e mbajtur në
Prishtinë, në 24 gusht 2007. Grupet pjesëmarrëse në këtë takim ishin
Ballistët (Tetovë), Plisat (Prishtinë), Torcida (Mitrovicë), Kuq e
Zinjtë e Jakovës (Gjakovë) Skifterat (Gjilan), Tifozat Kuq e Zi ( të
cilët njëherazi janë edhe përfaqësues të shumë grupeve nga trojet
shqiptare). Gjithashtu duhet cekur se edhe pse munguan fizikisht (për
shkaqe teknike) grupet si: Arpagjikt (Prizren), Fikshat (Kaçanik) dhe
Shqiponjat (Pejë). Por atë ditë në tribunë janë bashkuar dhe disa
përfaqësues të tifo grupeve të tjera në Shqipëri. Sigurisht meritë të
veçantë ka edhe grupimi “Tifozat kuqezi” për organizimin perfekt dhe
rekuizitës së tyre të pasur me flamuj banderola e të tjerë. Kjo
tifozeri nën udhëheqjen e njërit prej tifozëve më të zjarrtë Arianit të
Plisave i ka dhënë një leksion të gjithëve se në Shqipëri ekziston një
tifozeri e organizuar e cila nuk di të ndalojë përkrahjen e saj.
Ndërkohë që më e çuditshme është fakti se përkrahja e tyre kalohet në
heshtje nga mediat Shqiptare, pasi është bërë e modës në Shqipëri që
përpara takimit mediat kërkojnë me çdo kusht përkrahjen e tifozerisë
dhe më pas gjithçka shumëzohet me “0”.

_________________

TE DUA JETA IME

Titulli: Re: Lajme sportive Fri Sep 14, 2007 8:25 pm

Alimehmeti, gati formacioni ndaj Teutes

14/9/2007 | Skuadra e Elbasanit diten e neserme do te perballet me
Teuten e trajnerit Hysen Dedja. Ne kete sfide te gjithe futbollistet e
Elbasanit kane per detyre te fitojne duke shperblyer perkrahjen e
mijera tifozeve anenmbane Shqiperise dhe botes. Ne sfiden e "Ruzhdi
Bizhutes" trajneri Alimehmeti mund te aktivizoje kwtw formacion nga
fillimi i takimit: Lika, Sheta, Karcev, Lako, Mehmetaj, Gerxho, Bulku,
Nallbani, Tetova, Bejzade, F.Xhafa. Risija e formacionit te verdhebluve
eshte aktivizimi nga minuta e pare e mesfushorit durrsak i rikthyer
tashme ne kampion elbasanas Edlir Tetova ne krahun e majte. Nderkohe qe
per here te pare do te aktivizohet edhe mbrojtesi tiranas Arian Sheta,
i cili do te mbuloj krahun e djathte te mbrojties sone. Ne qender te
prapavijes do te jene Lako dh Karcev, nderkohe qe Mehmetaj do te
mbuloje krahun e majte. Qendra e mesfushes do ti besohet S.Bulkut dhe
Nallbanit, teksa ish-lojtari i Apolonise do te mbuloje krahun e djathte
te mesfushes. Ne porte Ilion Lika e ka vendin te padiskutuar dhe si
pasoje do te jete ne formacion qe nga minuta e pare. Dyshja sulmuese
ndaj djemve te detit do ti besohet 2 futbollisteve me shume eksperience
ne kampionatin tone kombetare si Bejzade dhe F.Xhafa. Nderkohe qe disa
futbolliste te tjere si Babaj, Papuci, Plepolli, Merxha e te tjere do
te jene te gatshem per tu futur ne fushen e lojes nese trajneri
Alimehmeti do te kerkoj aktivizimin e tyre.
Ja edhe rreshtimi i mundshem taktik i verdhebluve ndaj Teutes
Lika
Sheta Lako Karcev Mehmetaj
Gerxho Nallbani S.Bulku Tetova
Bejzade F.Xhafa
Tr: Krenar Alimehmeti

_________________

TE DUA JETA IME

Titulli: Re: Lajme sportive Sun Sep 16, 2007 11:31 am

Hasi dhe Salihi titullar, Tare aktivizohet, Cana i papranishem ne ndeshje

•
Anorthosis ka fituar “derby” me kampionen Apoel. “Zonja e madhe” ka
marre tre pike shume te çmuara ne fushen e vet ndaj pretendentes
kryesore, ne nje takim shume te tensionuar ku u nxorren 12 kartona te
verdhe. Portieri i kombetares shqiptare Arjan Beqaj u aktivizua gjate
gjithe takimit dhe ishte nje nga pikat me te forta te skuadres me 6
grushtime deçizive. Me kete fitore, Anorthosis ngjitet ne krye te
klasifikimit provizor me pike te plota pas 2 ndeshjesh
•

Besnik Hasi eshte aktivizuar si
titullar ne fitoren e skuadres se tij Cercle Brugge jashte fushes se
vet 2-0 ndaj skuadres Roesalare. Mesfushori shqiptar i cili ne mesjave
i dha fund ne menyre zyrtare aktivizimit te tij me skuadren
perfaqesuese te Shqiperise, zhvilloi nje ndeshje te mire. Ai u
zevendesua ne minuten e 73-te dhe skuadra e tij shenoi dy here ne 10
minutat e fundit te takimit duke shfrytezuar avantazhin numerik qe
kishte kur vendasit luajten me 10 lojtare pjesen me te madhe te pjeses
se dyte. Me kete fitore Cercle e shikon vehten ne vend te trete me 12
pike ne 6 ndeshje.

• Igli Tare u aktivizua ne pjesen e
dyte te ndeshjes Lazio-Empoli qe perfundoi ne barazim 0-0. « Bjondi »,
hyri ne loje ne minuten e 78-te per skuadren e tij
• Hamdi Salihi luajti gjate gjithe
takimit si titullar per skuadren e tij SV Ried e cila barazoi pa gola
ne fushen e vet ndaj Wacker

• Lorik Cana nuk ishte i pranishem as ne stolin e skuadres se tij Olimpik marseje e cila u mund 1-2 ne fushen e vet nga Touluse

_________________

TE DUA JETA IME

Titulli: Re: Lajme sportive Sun Sep 16, 2007 11:40 am

Te gjitha skuadrat vendase fitojne, Stojku dhe Bejzade protagoniste me gola vendimtare ne debutimet e tyre
Skenderbeu-SK Tirana 4:2
Shenues : Marius Ngjela 7’, 44’, 81’, Tiko 75’ / Jetmir Sefa 3’, Klodian Duro 45’
Gjyqtare : Aranit Lulaj (Vlore), Geranto Qirici (Tirane), Sonil Zeka (Shkoder)
Faruk
Sejdini arrin fitoren e pare si trajner i skuadres se Skenderbeut dhe
ekipi korcar shijon fitoren e pare kete kampionat, pas dy humbjeve 1-3.
Mario Ngjela ka shenuar triplete per skuadren « bardhekuq » duke i
shkaktuar humbjen e dyte ne tre ndeshjet e pare te ketij sezoni
skuadres kampione. Portieri Blendi Nallbani dhe mbrojtesi Nevil Dede
ishin shpetimtaret e portes ne disa okazione te veshtira te krijuara ne
zonen e skuadres se Sulejman Staroves i cili eshte shume prane
shkarkimit nga kreu i pankines tiranase, qe ndonese kaluan te paret ne
avantazh nuk arriten te ruanin epersine e fillimit. 4000 shikuesit qe
kishin ardhur per te ndjekur kete takim pane nje ndeshje mjaft te
bukur, me gola te shumte dhe me emocione te njepasnjeshme. Rezultati
mund te kishte qene akoma me i thelle sikur gjyqtari Arianit Lulaj te
mos kishte ndryshuar mendje ne akordimin e nje penalltie ne favor te
vendasve

Elbasani-Teuta 1:0
Shenues : Skerdi Bejzade 82’
Gjyqtare : Tanush Latifi (Gjirokaster), Arjan Guçe (Lushnje), Denis Koreshi (Lushnje)
Skerdi Bejzade ka qenë njeriu i ndeshjes, në përballjen midis Elbasanit dhe Teutës.
Tifozët
e shumtë që kishin mbushur shkallët e Ruzhdi Bizhutës prisnin nga
idhujt e tyre një fitore të thelle, por kjo nuk ka ndodhur. Të dyja
skuadrat janë shfaqur mediokre në lojën e tyre. Në pjesën e parë vlen
për tu përmendur vetëm një shtyllë e Fjodor Xhafës. Pjesa e dytë ka
qenë pak më ndryshe se e para, ku më kërkues kanë qenë të zotët e
shtepisë. Bejzade ose ndryshe i mbiquajturi « Arusha »nga tifozët
vendas, ka shënuar një gol të bukur i cili i dha dhe fitoren e parë
Elbasanit në këtë sezon futbollistik.

Besa-Flamurtari 2:0
Shenues : Bledar Mancaku 10’, Elokan 82’
Gjyqtare : Sokol Jareci (Tirane), Genc Maloku (Tirane), Sokol Avdo (Tirane)
Skuadra
kavajase i ka shkaktuar humbjen e pare Flamurtarit te cilet fituan dy
ndeshjet e para ne fushen e tyre. Goli spektakolar i Bledar mancakut ne
pjesen e pare hapi serine e golave per skuadren vendase e cila dyfishoi
disa minuta para perfundimit me Elokan

Shkumbini-Beselidhja 2:1
Shenues : Gentjan Stojku 24’, 84’ / Goce Petrovski 43’
Gjyqtare : Albano Janku (Tirane), Labian Mustafaraj (Tirane), Alfred Lamçe (Patos)
Gentjan
Stojku me dygoleshin e tij, nga nje gol ne cdo pjese loje ka ndeshkuar
skuadren lezhjane dhe i ka siguruar fitoren skuadres peqinase karshi
6000 shikuesave te cilet kishin kriajur nje atmosfere te nxehte
futbollistike. Elbasanasi Stojku shenoi golin e pare ne pjesen e pare,
kurse maqedonase Petrovski barazoi pak minuta para perfundimit. Ne
pjesen e dyte, lezhjanet u munduan te mbronin shume por nuk arriten te
shkeputeshin me pike nga peqini ne takimin e pare te trajnerit te sapo
ardhur Ridvan Kulli ne pankine pas doreheqjes se Stavri Nices

Dinamo-Kastrioti 4:0
Shenues : Pero Pejic 32’, 60’, 65’, Sebino Plaku 45’
Gjyqtare : Mentor Sopjani (Durres), Rezart Zhuli (Tirane), Engjell Pjetrushi (Lezhe)
Dinamo
ka ndeshkuar rende skuadren e Kastriotit duke fituar thelle 4-0 ndaj
skuadres krutane e cila per me shume se 1 ore luajti me 10 lojtare dhe
10 minutat e funsit me 9 lojtare. Ylli Shameti u ndeshkua brenda 3
minutave me dy kartona te verdhe. Pero pejic shenoi tre gola per
skuadren Dinamovite dhe Sebino Plako vulosi fitoren e thelle per djemte
e Agim Canajt te cilet nuk e kane provuar shijen e pesimit te golit .
Elvis Kotorri e ka rrjeten te paprekur ne 3 ndeshjet e para, plot 270
minuta pa pesuar gol. Dinamo eshte ne krye te klasifikimit provizor

Partizani-Vllaznia 1:0
Shenues : Elis Bakaj 27
Gjyqtare : Sazan Velçani (Patos), Arben Pregja (Tirane), Ergin Doda (Tirane)
Partizani
ka fituar takimin me te rendesishem te javes se trete ndaj Vllaznise.
Skuadra e Mirel Joses ka humbur per te dyten here me rradhe ndaj
skuadrave kryeqytetase duke zhgenjyer perseri me lojen e saj. Bakaj
ishte ai qe beri ndryshimin me golin e shenuar ne pjesen e pare ne
minuten e 27-te duke i dhene tre piket dhe kryesimin e tabeles se
klasifikimit se bashku me Dinamon me nga 9 pike te plota
_________________

TE DUA JETA IME

Titulli: Re: Lajme sportive Mon Sep 17, 2007 8:38 pm

16/9/2007 | Në ndeshjen ndaj Teutës skuadra jonë e
zemrës Elbasani ka fituar falë shpirtit të sakrificës që ka treguar
Arusha jonë Skerdi Bejzade. “Tigrat” gjejnë rastin ta përshëndesin nga
zemra Bejzaden për atë cka ka treguar në fushën e lojës në sfidën ndaj
Teutës. Të gjithë futbollistët e tjerë tek Elbasani duhet të marrin
shembull dhe të inpenjohen të paktën sa 40% i Bejzades. Kishim kohë që
nuk shikonim një futbollist me fanellën verdheblu të luaj me atë shpirt
sakrifice në një ndeshje në “Ruzhdi Bizhuta”. Ndeshja ndaj Teutës ishte
tepër delikate, pasi në rast barazimi apo humbje verdheblutë do të
përballonin “tërmetin” e fuqishëm që do të shkaktohej nga mungesa e
fitores. Bejzade jo vetëm që ka shënuar një supergol në minutën e 82
duke na dhënë fitoren, por ka dhënë dhe disa asist për shokët e tjetë
të skuadrës si dhe ka luftuar duke ndaluar disa aksione të
kundërshtarëve. Dhe njëherë e falenderojmë Bejzaden për gjithcka që jep
për fanellën tonë dhe i premtojmë gjithnjë përkrahje nga ana jonë. Dhe
pas ndeshjes me Teutën e gjithë tifozeria ka vazhduar të therrasë në
kor emrin e Bejzades dhe një gjë të tillë do ta bëjmë gjithmonë për
disa futbollistë që janë gati të sakrifikohen në fushën e lojës vetëm
në saj të fanellës verdheblu.

“Tigrat Verdheblu”
_________________

TE DUA JETA IME

Titulli: Re: Lajme sportive Mon Jul 14, 2008 3:34 pm

Superiorja, kampionati i ri nis më 24 gusht

"Kampionati i 70-të kombëtar i futbollit do të nisë më 24
gusht." Eshtë ky konfirmimi që ka bërë për "Sportin shqiptar" shefi i
sektorit të garave në FSHF, Ilir Shulku. Sezoni i ri futbollistik, ose
2008-2009, fillon vetëm katër ditë pas ndeshjes miqësore të kombëtares,
e programuar për më 20 gusht, që është një datë e lirë edhe nga UEFA.
Në këtë moment, kur gjithçka është e përqendruar në emocionet e
finaleve të Euro 2008, teksa këto "ethe" kanë kapur edhe zyrtarët e
FSHF-së, shefi garave sqaroi disa nga detajet e sezonit të ri. "Që pas
përfundimit të sezonit u kemi dërguar 12 klubeve të kategorisë
superiore projektkalendarin, - thotë Shulku. - Kështu, kemi rënë dakord
që kampionati të fillojë më 24 gusht. Klubet kishin problem periudhën e
pushimit të janarit, që i shërben kombëtares, ku kërkonin që ajo të mos
ishte më shumë se 10 ditë. Për këtë pikë gjetëm një konsensus dhe, duke
parë edhe programin e kombëtares, ku parashikohet grumbullim, caktuam
si pushim periudhën 3-11 janar." Për sa i përket formulës së kategorisë
superiore, ajo do të mbetet e njëjtë me sezonin e kaluar.
"Të jemi realistë, kjo formulë dha efekte pozitive, teksa e
mbajti garën të hapur deri në fund. Nisur nga kjo, nuk kishte arsye pse
ta ndryshonim. Pra, për të sqaruar edhe opinionin, formula do të jetë
kjo: Nga kategoria superiore në atë të parë zbresin automatikisht dy
ekipe dhe ngjiten po kaq. Ndërkohë, ekipet që renditen në vendet 9 dhe
10 të superiores do të luajnë ndeshje play-out-i me vendet 4 dhe 3 të
kategorisë së parë,"- sqaron Shulku. Të vetmin ndryshim për sezonin
tjetër do të ketë kategoria e parë, e cila nuk do të jetë me 18 ekipe,
por me 16. Sipas Shulkut, edhe te inferiorët do të jetë e njëjta
formulë, teksa katër ekipe zbresin nga kategoria. Përgjegjësi i
kampionateve bën të ditur gjithashtu se këtë sezon do të ndryshojë edhe
struktura e kampionatit të moshave. Sipas Shulkut, kampionati i të
rinjve U-17 dhe U-19 do të ndahet në dy zona: Veri-Jug, me nga 15
skuadra. Megjithatë, të gjitha ndryshimet që pritet të bëhen duhet të
marrin miratimin e komitetit ekzekutiv të FSHF-së. "Kemi bërë gati edhe
ndryshimet në rregullore për sezonin e ri. Dënimet ndaj lojtarëve do të
rriten,"- pohon Shulku, i cili në fund flet edhe për ndryshimin e
mënyrës së ndëshkimit me kartonë. "Disa klube kanë qenë kundër mënyrës
së deritanishme dhe kërkojnë që pas tre kartonëve të verdhë të ketë
vetëm një pezullim dhe kjo të mos vazhdojë me dy, nëse numri i tyre
shkon në gjashtë. Do ta shqyrtojmë edhe këtë pikë, për t'ia paraqitur
më pas komitetit ekzekutiv."
Jorgis MEMO
Miqësorja, gati zyrtarizimi me Estoninë
Pas mosarritjes së një akordi me Slloveninë, e cila kërkoi të
ishte pritëse, FSHF-ja ka marrë një "ok" paraprak nga Estonia për një
ndeshje miqësore në datën e lirë të UEFA-s, më 20 gusht. Sipas shefit
të sektorit të jashtëm në FSHF, Lysien Nurishmi, me shumë mundësi kjo
miqësore pritet të zyrtarizohet në ditët e ardhshme. Kujtojmë që
FSHF-ja ka ndërmjetësuar me disa federata, madje edhe me "big"-ët,
Spanjë-Itali, por zyrtarisht ende nuk është arritur një akord. Nëse kjo
gjë ndodh me Estoninë, do të ishte miqësorja e tretë për kuqezinjtë në
pak vite, teksa në dy ndeshjet e para janë ndarë në barazim 3-3 dhe
1-1. Trajneri i kombëtares, Ari Han, ka kërkuar medoemos që miqësorja
të luhet brenda, pasi edhe dy ndeshjet e para eliminatore me Suedinë
dhe Maltën do të zhvillohen në Shqipëri. Ky shkak ka bërë që disa
kombëtare ta refuzojnë kërkesën e Shqipërisë.
Shqipëri-Greqi, problem akomodimi
Sezoni i verës ka vënë në vështirësi FSHF-së për të sistemuar
në një vend sa më të përshtatshëm ekipin kombëtar U-21, që do të luajë
ndeshjen eliminatore me Greqinë më 20 gusht në stadiumin "Flamurtari"
të Vlorës. Kuqezinjtë e drejtuar ng Artan Bushati pritet të
grumbullohen disa ditë para takimit në qytetin bregdetar, por hotelet
(më të mira) në këtë të fundit rezultojnë të prenotuara. Nëse nuk
gjendet një i tillë, atëherë kombëtarja Shpresa do të sistemohet në
qytetin e Fiert. Ndërkohë, një problem mbetet edhe akomodimi i Greqisë,
që do të mbërrijë një ditë para takimit.
Ari Han, dje "vëzhgim" Portugalisë
Trajneri i Shqipërisë, Ari Han, ka qenë i pranishëm dje në
stadiumin e Gjenevës për të ndjekur nga afër ndeshjen e grupit A të
Euro 20080-s, midis Çekisë dhe Portugalisë. Me këtë të fundit,
Shqipëria do të luajë për eliminatoret e botërorit më 15 tetor.
Han, bashkë me ndihmësin e tij De Jong, pritet të ndjekin edhe
kundërshtarin tjetër të kuqezinjve, Suedinë, që do të luajë me Spanjën
më 14 qershor.
J.M.
(fotolajm)
Hidi firmos tek Alqi për 250 mijë euro
Eshtë zyrtare: portieri i kombëtares Isli Hidi, ka firmosur
dje për ekipin qipriot Alqi Laranka një kontratë 2-vjeçare, nga ku do
të përfitojë një shumë prej 250 mijë eurosh. Pasi kaloi me sukses
ekzaminimet mjekësore, shqiptari hodhi të zezën mbi të bardhë në prani
të presidentit të klubit, Mimi Fantuçi. "Kam ardhur këtu për të arritur
suksese,"- tha Hidi për mediat qipriote. Këtë kalimdrejt kampionatit
qipriot e ka bërë të mundur menaxheri Sokol Haxhia. Ndërkohë mësohet se
në vitin e parë të aktivizimit me Alqin, përveç 120 mijë eurove, Hidi
do të përfitojë një bonus prej 35 mijë eurosh. Gjithashtu, edhe në
vitin e dytë, përveç 130 mijë eurove, do të përfitojë 35 mijë të tjera.
Në kontratë është edhe një klauzolë, e cila përcakton që, "nëse Hidi
arrin të shitet në një ekip tjetër, do të marrë kesh 50 mijë euro."
Klubi qipriot ka vënë në shërbim të ish-portierit të Tiranës dhe
Krivbasit një makinë dhe një apartament.
J.MEMO
Çerçizi: E ndiej veten pjesë të Apolonisë
Teksa pritet 16 qershori për grumbullimin e parë, rrjedha e
zhvillimeve nga kampi fierak vijon në normalitetin e vet dhe brenda
etheve të njohura të merkatës. Kështu, nga Vlora janë lëshuar sinjale
të rikthimit pranë skuadrës "mëmë" të dy futbollistëve që mbrojtën
ngjyrat e Apolonisë në kategorinë e parë, konkretisht të Ledio Liçajt,
i adaptuar si sulmues te fierakët, dhe të Aldo Gunës, i cili iu bashkua
ekipit të Haxhiut fazën e dytë. Për të ardhmen e dy futbollistëve të
sipërpërmendur do të jenë ditët në vijim ato që do të zbardhin dhe
enigmën përfundimtare, por Guna si duket që dje është bashkuar me
Flamurtarin. Ndërkohë, krejt e qetë paraqitet situata për një tjetër
emër të "gardës" vlonjate që ka zbarkuar në Fier. Mesfushori me tipare
sulmuesi Taulant Çerçizi ndihet komod, teksa bën bilancin e ecurinë e
asaj që ka dhënë për Apoloninë, por edhe për perspektivën e afërt në
superligë. "Kemi përballuar një kampionat të vështirë, por kemi
rezultuar të suksesshëm. Kemi pasur kurajën të besojmë në forcat tona
edhe atëherë kur gjërat janë dukur në pamje të parë gati të pamundura.
Tani duhet të mendojmë për të ardhmen e afërt," - shprehet Çerçizi.
Aktivizimi i vlonjatit fazën e dytë ka qenë rezultativ, pasi me golat e
shënuar Çerçizi është bërë shpesh përcaktues për skuadrën e tij, duke e
udhëhequr drejt rezultateve pozitive. "Unë jam ndier mirë dhe duket se
më kapi menjëherë ritmi i grupit, të cilin e ruajta me fanatizëm.
Kontributi im ka qenë modest krahasuar me punën e skuadrës. Gjithashtu,
golat e mi do të zhvleftësoheshin tërësisht nëse skuadra nuk do të
siguronte suksesin," ‑ thekson mes të tjerash mesfushori Çerçizi, duke
u ndalur më tej edhe në sfidën e vështirë që e pret Apoloninë në
superiore. "Nuk ka vend për dyshime. Apolonia e ka forcën e duhur jo
vetëm për të mbijetuar në kampionat, por për shumë më tepër. Nisur nga
fakti se kam qenë pjesë e skuadrës që siguroi suksesin, duke pasur
parasysh mjedisin dhe përshtatshmërinë time me ekipin, vazhdoj ta ndiej
veten pjesë të Apolonisë dhe nuk do të ngurroj të jap maksimumin tim
edhe në sezonin e ri," - theksoi mes të tjerash futbollisti Taulant
Çerçizi.
_________________

TE DUA JETA IME

Titulli: Re: Lajme sportive Fri Jul 18, 2008 4:09 pm

Dinjo"-Milan,martesa zyrtare

Më në fund ka
ardhur konfirmimi zyrtar, teksa ambienti kuqezi po përgatitet të presë
yllin e ri, Ronaldinjo. Adriano Galiani i shoqëruar nga ndihmësit e
tij, Arielo Braida dhe Ernesto Bronxeti kanë pasur një takim të gjatë
dhe frytdhënës me presidentin e skuadrës katalanase, Joan Laporta. Nga
sa përflitej në median italiane, Ronaldinjo mund të quhet një lojtar i
Milanit që nga pasditja e djeshme, pas marrëveshjes që të dyja skuadrat
kanë arritur ndërmjet tyre për një shifër që përflitet të jetë rreth
18.5 milionë euro, plus premios që Barcelona do të përfitonte nga një
paraqitje e mirë e Ronaldinjos me fanellën e "djajve". Në mbrëmje vonë,
edhe Galiani ka zyrtarizuar marrëveshjen, ndërkohë që Ronaldinjo do të
niset sot në ora 11.00, me synimin për t'u bashkuar në grumbullimin e
Milanit me shokët e rinj në ora 14.30.

Çelsi, 60 milionë për Robinjon

Çelsi,
edhe pse në fakt nuk është ndjerë shumë gjatë merkatos së kësaj vere,
duket se do të bëjë goditjen e parë midis shumë të përfolurave. Bëhet
fjalë për yllin brazilian të Realit të Madridit, Robinjon. Ky i fundit
është kërkuar me ngulm nga braziliani Luis Felipe Skolari dhe
presidenti Roman Abramoviç ka shprehur gatishmërinë për të sjellë në
ekip sa më shumë yje që dhurojnë spektakël. Vetëm se kësaj here e kanë
ekzagjeruar disi me shifrën e ofruar. Është e përditshmja "The
Guardian" ajo që bën publike ofertën e bluve të Londrës. Bëhet fjalë,
as më pak e as më shumë, për plot 60 milionë euro, nga të cilat 48 do
të shkojnë në arkat e klubit të Realit të Madridit. Një shifër kjo, që
do të pranohej menjëherë nga drejtuesit madrilenë, për të blerë yllin
portugez, Kristiano Ronaldo.

Spanja,Del Boske trajner

Trajneri
Visente Del Boske është prezantuar zyrtarisht si trajneri i Kombëtares
së Spanjës. Me propozim të Angel Vilar, kandidatura e Del Boskes u prit
mjaft mirë dhe ditën e djeshme u bë edhe zyrtarizimi i marrëveshjes
midis trajnerit dhe Federatës Spanjolle të Futbollit. Ish-trajneri i
Realit të Madridit do të jetë në krye të detyrës së tij të re deri në
vitin 2010. Gjatë kësaj kohe do t'i duhet të përgatisë kombëtaren
iberike për Kupën e Botës 2010. Një detyrë mjaft e vështirë për të,
duke qenë se do të ketë në dispozicion një ekip që do e nisë
kompeticion si favorit kryesor për të fituar, pas triumfit të arritur
pak javë më parë në kampionatin evropian të futbollit. Sidoqoftë, vetë
trajneri nuk duket i frikësuar nga kjo sfidë.
_________________

TE DUA JETA IME

Titulli: Re: Lajme sportive Mon Jul 21, 2008 9:32 pm

Alban Bushi, golashënuesi më i mirë i kuqezinjve, megjithëse në
miqësoren kundër Polonisë më 27 maj nuk mori ftesë nga trajneri Ari
Han, vazhdon të shpresojë se do të jetë pjesë e përfaqësueses edhe për
sezonin e ardhshëm. "Jam rikuperuar plotësisht dhe kam dëshirë që të
jem pjesë e Kombëtares edhe edicionin e ardhshëm", ka thënë sulmuesi
për "Panorama". Problemet në këmbën e djathtë kanë marrë fund dhe
lojtari synon që të bëjë një sezon të mirë në kampionatin grek, me
skuadrën e tij Levadhiakos.
Si shkoi periudha e rikuperimit në Gjermani?
Për
fatin tim të mirë gjërat shkuan shumë mirë. Tani kam filluar stërvitjet
me skuadrën e Levadhiakos dhe nuk kam pasur probleme me këmbën. Në
Gjermani punova me stafin mjekësor të Hertës së Berlinit për rreth një
muaj e gjysmë dhe fizioterapisti i skuadrës bashkë me mjekun kanë bërë
një punë të shkëlqyer. Sigurisht që e kishin paksa dorën të rëndë me
çmimin (qesh), por gjithsesi ia vlejti, sepse tani jam në formë. Pas 25
ditëve në terapi zhvillova një minifazë përgatitore me skuadrën e
Hertës në Austri, çka më ndihmoi të rifitoja besimin në vetvete. Kam
punuar vërtet shumë dhe mendoj se tani jam gati për një sezon shumë të
vështirë.
Gjatë kohës që stërviteshit te Herta, ju lindi
ndonjëherë dëshira për të qenë pjesë e kësaj skuadre, apo për t'u
transferuar në ndonjë ekip tjetër gjerman?
Sigurisht. Futbolli
gjerman është pjesë e elitës së futbollit botëror dhe çdonjëri do të
kishte dëshirën për të luajtur aty. Megjithatë, unë kam familjen time
në Greqi dhe përveç kësaj oferta që më bëri Levadhiakos ishte vërtet
joshëse. Pata kontakte nga disa klube gjermane, por nuk më bindën.
Pastaj nuk mund të lija në baltë presidentin e Levadhiakosit, i cili
bëri të pamundurën për të më marrë në skuadër.
A është i mjaftueshëm një emër si Levadhiakosi për të rifituar një vend në Kombëtare?
Së
pari, askush nuk ka thënë që unë jam jashtë Kombëtares, të paktën jo
zyrtarisht. Mendoj se trajneri Han jo më kot u interesua për mua gjatë
kohës që ishte në Greqi pak muaj më parë. Së dyti, mos harroni se
Levadhiakos është pjesë e Superligës greke dhe mendoj se nuk është një
ekip i rëndomtë. Së treti, unë vendin në Kombëtare nuk e kam fituar
falë emrit të skuadrave ku kam luajtur, por për golat e shumtë që kam
shënuar. Edhe këtë sezon do të përpiqem të shënoj sa më shumë gola,
pastaj të shohim se si do të shkojnë gjërat.
Meqë jemi te Kombëtarja, sa për qind jeni i bindur se do të vazhdoni të jeni pjesë e saj edhe sezonin e ardhshëm?
Këtë
nuk e di, sepse e vendos trajneri. Unë mund të them se jam në formë të
mirë dhe do të bëj maksimumin për të bindur trajnerin të më
grumbullojë. Unë dëshiroj të luaj edhe edicionin e ardhshëm me
përfaqësuesen dhe jam i bindur se mund t'i shërbej Kombëtares edhe për
një vit. Do të përpiqem të shënoj sa më shumë që ta vë në pozita të
vështira trajnerin, ashtu siç ndodhi dhe me Bariçin.
_________________

TE DUA JETA IME

Titulli: Re: Lajme sportive Mon Jul 21, 2008 9:36 pm

Futbollistja kosovare, Fatmire Bajramaj, do të jetë pjesë e Lojërave Olimpike verore "Pekin 2008".

Bajramaj
është përfshirë në listën e përfaqësueses së Gjermanisë për këtë
olimpiadë. 20-vjeçarja është njëra prej 18 futbollisteve të ftuara për
në Pekin. "Vendimi nuk ka qenë i lehtë. Të gjitha futbollistet kanë
dhënë maksimumin, por aty ka vend vetëm për 18 lojtare. Olimpiada është
shumë e vështirë, ndërsa orari i ndeshjeve shumë i ngjeshur. Fatmire
Bajramaj po bëhet gjithmonë më e vlefshme për ne. Ajo është një
futbolliste shumë teknike dhe që di të rrezikojë portën kundërshtare",
ka thënë trajnerja e Gjermanisë, Silvia Neid. Gjermania gjendet në një
grup në Olimpiadë me Brazilin dhe Nigerinë. "Jam shumë e lumtur që do
të jem pjesë e skuadrës në Olimpiadë dhe mezi po pres të fillojë
aktiviteti. Në Pekin do të na presin ndeshje të vështira, por si
kampione të botës që jemi, natyrisht që vlerësohemi si favorite për të
fituar titullin. Kemi një skuadër shumë të mirë. Jam shumë e bindur se
nuk do të kthehemi duarbosh në shtëpi. Kemi shumë shanse për të fituar
edhe medaljen e artë", ka shkruar Bajramaj në faqen e saj zyrtare.
Bajramaj vitin e kaluar u shpall kampione e botës me Gjermaninë, ndërsa
në finale mposhti Brazilin 2-0.
_________________

TE DUA JETA IME

Titulli: Re: Lajme sportive Thu Jul 24, 2008 10:25 pm

ampionati ukrainas është shndërruar në një thikë me dy presa për futbollistët shqiptarë.

JETMIR HALILAJ

Ata
arrijnë të përshtaten mjaft mirë aty, madje spikatin në skuadrat kur
luajnë, por kur kanë oferta nga klube perëndimore, gjuha e
bashkëpunimit me drejtuesit e skuadrave është zero. Ervin Bulku,
mesfushori i Kombëtares shqiptare që luan te Krivbasi ka pasur disa
oferta nga klube gjermane dhe ruse, por krerët e klubit të tij kanë
kërkuar 1.5 milionë euro për kartonin e futbollistit, çka e ka bërë
tejet të vështirë kalimin e futbollistit tiranas në një klub tjetër.
Bulku megjithatë, tregohet profesionist, duke thënë se është i gatshëm
që të respektojë kontratën me Krivbasin, e cila skadon në janar të
vitit 2009. "Kam pasur shumë oferta, sidomos pas ndeshjes me Kombëtaren
kundër Polonisë në fund të majit, por klubi ka vënë një çmim shumë të
lartë për kartonin tim (1.5 milionë euro), çka i ka vështirësuar shumë
gjërat", pohon Bulku për "Panorama Sport". Lojtari ka shkëlqyer në
kampionatin ukrainas sezonin që shkoi, madje edhe javën e parë të
sezonit të ri u tregua vendimtar, duke dhënë asistin e golit të vetëm
që shënoi Krivbasi në fitoren minimale 1-0 kundër Metalurg Zaporozhias.
"Dëshira ime është që të luaj në një skuadër të nivelit të lartë dhe
ofertat nuk kanë munguar, por menaxherët e mi nuk kanë arritur të
gjejnë gjuhën e përbashkët me drejtuesit e klubit. Unë nuk kam dashur
që t'iu lutem këtyre të klubit që të më lënë të lirë, sepse kam një
kontratë me Krivbasin dhe jam i detyruar ta respektoj atë, ndonëse
ofertat nga klubet gjermane kanë qenë tepër joshëse", ka thënë Bulku.
Skuadra
Situata
nuk është shumë e qartë te Krivbasi, sepse kjo skuadër është duke
kaluar në pronësi të disa pronarëve të rinj. Një pjesë e mirë e
lojtarëve ende nuk janë të sigurt për të ardhmen e tyre, madje as Ervin
Bulku. "Pritet që të ndryshojnë drejtuesit e klubit, pasi ekipin janë
duke e blerë disa biznesmenë të tjerë. Jemi paksa të paqartë për të
ardhmen. Pak ditë më parë kontaktova me krerët e skuadrës dhe gjëja e
vetme që më thanë, ishte se disa klube ishin interesuar për mua, por
nuk kishin ofruar shumën që kërkohej. Nuk di çfarë të them, - ka thënë
Bulku. - Unë jam gati të qëndroj këtu deri në janar, nëse klubi nuk
dëshiron të më largojë. Shpresoj që të kem të njëjtat kërkesa edhe në
merkaton e janarit, sepse qëllimi im është që të luaj në një skuadër
perëndimore".
_________________

TE DUA JETA IME

Titulli: Re: Lajme sportive Fri Aug 01, 2008 5:07 pm

Erion Bogdani kërkohet nga Ipsuiç Taun

Sulmuesi shqiptar mund të largohet nga Kievo. Për tëinteresohen disa skuadra italiane, por edhe angleze

Vazhdon stërvitjen te Kievo, por është pranë largimit nga kjo skuadër. "Ethet" e merkatos kanë përfshirë edhe Erion Bogdanin, i cili me shumë mundësi do të jetë pjesë e një klubi tjetër në sezonin e ri. Mediat italiane kanë kohë që flasin mbi të ardhmen e sulmuesit të kombëtares shqiptare, por ky i fundit është treguar i qetë, duke kërkuar të respektojë kontratën me klubin veronez.

"Për Bogdanin interesohet klubi anglez, Ipsuiç Taun,"- shkruante dje gazeta veroneze "L'arena", së cilës i referoheshin edhe disa media të shtetit "ishullor". Megjithatë,nëpërmjet linjës telefonike, Erion Bogdani sqaroi:

"Deri më tani edhe unë nuk di asgjë mbi atë çfarë po flitet. Ajo që mund të them është se po vazhdoj të stërvitem me Kievon."Më tej, i pyetur nëse do ta dëshironte një eksperiencë në Angli, tek Ipsuiç Tauni, 30-vjeçari u tregua i rezervuar. "Ipsuiçi? Duhet të presim edhe pak. Nuk është momenti të flasim për këtë gjë, pasi më parë unë duhet të bisedoj me drejtuesit e klubit. Nga këta të fundit nuk kam ende asnjë sinjal." Sulmuesi kuqezi ka edhe dy vite kontratë me Kievon, e cila këtë sezon u ngjit në Serinë A.

"Natyrisht, dëshira ime është të vazhdoj të luaj në kampionatin italian. Tani mezi pres të luaj, për të nisur një kampionat të mbarë dhe pa dyshim me shumë gola. Po jap shumë në stërvitje, për të arritur formën e duhur. Jam nën kontratë me Kievon dhe zgjidhja e kësaj të fundit nuk është aq e lehtë. Gjithsesi, më mirë e dinë drejtuesit. Nëse ata kërkojnë të më shesin, edhe unë do të shikoj interesat e mia. E kam thënë edhe më parë, që nuk lëviz më si i huazuar. Ose prish përfundimisht kontratën me Kievon, ose qëndroj,"- thotë Bogdani, që sezonin e fundit luajti te Livorno si i huazuar. Dje, ekipi verdheblu i Kievos shpërndau numrat për futbollistët, teksa Bogdani do të mbajë mbi shpinë fanellën me numër 23, ndryshe nga dy vite më parë, kur kishte 88-n.

Titulli: Re: Lajme sportive Sat Aug 02, 2008 11:53 pm

Një
short i vështirë, pothuajse i pamundur për t’u kapërcyer, e megjithatë
ka ngjallur një kënaqësi dhe entuziazëm të kuptueshëm në radhët e
Vllaznisë.

Admir Uruçi
Fituesja e Kupës së Shqipërisë
do të ndeshet me Napolin në turin e dytë eliminator të Kupës UEFA, pas
shortit të hedhur dje pasdite në selinë e UEFA-s, në Nion të Zvicrës.
Shanset e përparimit janë vetëm teorike, por përballja me italianët
është pritur shumë mirë nga drejtuesit e kuqebluve. Vetë presidenti
Valter Fushaj e ka cilësuar atë si “shortin e ëndërruar e që është bërë
realitet”.
Endrra
“Të përballesh me një ekip të tillë është me të
vërtet një realitet i bukur. Dikur ka qenë ëndërr për secilin prej nesh
që të përballej me një skuadër të tillë, aq më tepër që me skuadrat
italiane skuadrat tona janë ndeshur shumë rrallë”, thotë Fushaj.
Presidenti garanton se klubi i tij do t’i marrë të gjitha masat që kjo
ndeshje të kthehet në një festë të vërtetë sportive.
Shpërblimi
Vllaznia
kaloi në turin e parë Koperin e Sllovenisë, një kualifikim i merituar
dhe, sipas Fushajt, përballja me Napolin është një shpërblim i merituar
për skuadrën shkodrane. Kalimi apo jo i turit në këtë rast duket se nuk
ka më rëndësi, duke u nisur nga vlerat e kundërshtarit. Fushaj është i
vetëdijshëm për një fakt të tillë. “Dëshira jonë është që skuadra të
tregojë më të mirën në fushën e lojës. Kualifikimi nuk vendoset me
fjalë, por në fushë, megjithatë ne e dimë mirë se cilat janë shanset
tona”, thotë presidenti.
Urimi
Fushaj tregon edhe atë çka pret
nga kjo përballje: “Dëshirojmë të luajmë futboll të bukur, ndoshta
ndeshjen tonë më të mirë në arenën ndërkombëtare. Napoli është favorit,
por sigurisht që nuk kemi ndërmend të bëjmë sehir. Do të japim
maksimumin për të nderuar veten dhe gjithë futbollin shqiptar, të cilin
mendoj se sivjet e kemi përfaqësuar denjësisht në Evropë. Kemi bërë
maksimumin, duke qenë emblema e futbollit tonë në Evropë”.
Biletat
Drejtuesit
e Vllaznisë kanë menduar menjëherë për të përfituar sa më shumë
ekonomikisht nga shorti luksoz. Pritet që stadiumi “Loro Boriçi” të
mbushet plot dhe menjëherë ka lindur ideja e çmimit një mijë lekë për
biletat. Në ndeshjen e kthimit kundër Koperit, çmimi ishte vetëm 400
lekë, në të gjitha tribunat. Përveç kënaqësisë së përballjes me
italianët, shorti iu ofron edhe mundësi të tjera përfitimi kuqebluve.

Reagimet e Napolit

Reja: Kujdes nga Vllaznia!
Shorti
është pritur mirë nga skuadra e Napolit. Trajneri Edi Reja përpiqet të
ulë tonet e entuziazmit. “Futbolli shqiptar është rritur shumë vitet e
fundit, prandaj duhet të jemi shumë të vëmendshëm. Sigurisht nuk e
mohojmë që Vllaznia është plotësisht e kalueshme, por nuk ka pse të
jemi tepër optimistë. Ka eliminuar një ekip slloven, çka tregon se
është skuadër me cilësi teknike. Avantazhi ynë është se luajmë ndeshjen
e kthimit në shtëpi”.

De Laurentis, me këmbë në tokë
Për
presidentin e Napolit, Aurelio De Laurentis, shorti me Vllazninë është
“i mirë në letër”. “Kujdes, të mos e ulim vigjilencën”, paralajmëron
presidenti. “Në arenën evropiane nuk ka kurrë asnjë gjë të sigurt dhe
nëse shorti është i mirë apo i keq, kjo verifikohet vetëm në fushë. Ata
kanë një stadium me 15 mijë vende, që me siguri do të jetë plot dhe nuk
do të jetë e lehtë të luash atje, edhe si atmosferë”.

Precedentët italo-shqiptarë
Falë
shortit që ka vënë Vllazninë përballë Napolit është hera e tretë që një
skuadër italiane vjen në Shqipëri. Më 1968, Partizani fitoi 1-0 e humbi
1-3 me Torinon, për Kupën e Kupave. Për të njëjtën kupë, më 1995, Teuta
u mund dy herë 0-2 nga Parma. Mbi nivelin e klubeve, U-21 ka luajtur me
italianët më 1983, në çerekfinalet evropiane dhe në eliminatoret e
fundit, duke pësuar tri humbje 0-1 dhe një 0-4.
_________________

Me mir nje fund me dhimbje sesa...nje dhimbje pa fund

Greminat e pafundme,
Ato që mëshirë nuk kanë,
Zemrat në dysh na i kanë ndarë
O i dashuri Elbasan, se
Lulet më të bukura na i moren, e
As pyet për këtë s’na kanë.

Titulli: Re: Lajme sportive Mon Aug 04, 2008 1:46 am

Cila duhet të jetë skuadra e Milanit

Drejtori i përgjithshëm i skuadrës kuqezi, Adriano Galliani, ka konfirmuar se shpenzimet e Milanit për këtë verë kanë përfunduar.
Cilët lojtarë duhet të përfaqësohen në njëmbëdhjetëshin e parë të skuadrës nga qyteti i modës.

Më poshtë është e shënuar lista e lojtarëve të Milanit, ndërsa juve u mbetet ta zgjidhni njëmbëdhjetëshin e preferuar.

Portierët: Nelson Dida, Christian Abbiati, Zeljko Kalac

Mbrojtësit: Massimo Oddo, Paolo Maldini, Kakha Kaladze, Alessandro Nesta, Luca Antonini, Dario Simic, Giuseppe Favalli, Daniele Bonera, Digao, Matteo Darmian, Gianluca Zambrotta, Marek Jankulovski

Mesfushorët: Emerson, Rino Gattuso, Clarence Seedorf, Andrea Pirlo, Kaka, Massimo Ambrosini, Mathieu Flamini, Cristian Brocchi

Sulmuesit: Alexandre Pato, Pippo Inzaghi, Alberto Paloschi, Ronaldinho, Marco Borriello

Very Happy

We are the best

Titulli: Re: Lajme sportive Mon Aug 04, 2008 1:49 am

Ronaldinho në prag të rilindjes italiane?!

Kur Barcelona e mposhti klubin anglez Manchester United, në garë për të nënshkruar me Ronaldinhon nga Paris Saint Germain në vitin 2003, përjetoi një rikthim të menjëhershëm të investimit.
Braziliani shënoi që në debutimin e tij kundër Milanit, ekip të cilit tash i bashkohet për 10 milionë euro më pak.

Në sezonin e parë të Ronaldinhos në La Liga, Barcelona përfundoi e dyta në tabelë, prapa Valencias, por një vit më vonë, me brazilianin fitues të Kupës Botërore, që ishte në një formë të shkëlqyeshme, dhe po ashtu i ndihmuar nga Deco, Samuel Eto'o dhe Ludovic Giuly, ekipi fitoi titullin e ligës për të parën herë që nga viti 1999.

Ronaldinho vazhdoi formën e tij edhe në sezonin e ardhshëm dhe i përkrahur nga Lionel Messi, dyshja ndihmuan Barcelonën të mbrojë titullin në Spanjë. Për më shumë, braziliani po ashtu fitoi titullin Lojtari Botëror i Vitit, në vitet 2004 dhe 2005.

Spanjollët po ashtu u bënë kampionë evropian për të parën herë që nga viti 1992, e dyta herë në historinë klubit. Megjithëse Ronaldinho ishte gjunjëzuar në finalen, të cilën Barcelona e fitoi me rezultat 2-1 ndaj Arsenalit, ai u dëshmua në rundet e mëhershme, duke shënuar dy herë në çerekfinale kundër Chelseat dhe duke asistuar për Giulyn për të vetmin gol në gjysmëfinale, kundër Milanit.

Që atëherë, braziliani ka dështuar të shkëlqejë në mënyrë ët vazhdueshme. Ai ishte zhgënjimi i Kupës Botërore 2006, pjesë e ekipit brazilian që herë nxehej, herë ftohej para se të eliminohej nga Franca në çerekfinale.

Në nivel të klubit, 28-vjeçari ka dështuar të shkëlqejë, me arsyetimin e vazhdueshëm të Rijkaard se Ronaldinho ishte i lënduar.

Kur Josep Guardiola zëvendësoi Rijkaardin në fund të sezonit që lamë prapa, kishte spekulime se Ronaldinho mund të ristabilizohet në Nou Camp. Por, ish-kapiteni i klubit shumë shpejt deklaroi se braziliani ishte në shitje së bashku me Eto'o dhe Deco.

Ka shumë që do të presin me padurim të shohin se si do të gjendet Ronaldinho me trajnerin e Milanit, Carlo Ancelotti.

Ish-trajnerët e tij, ai i PSG, Luis Fernandez, dhe i Barcelonës, Frank Rijkaard, që të dy e kishin akuzuar brazilianin se po kalon më shumë kohë në klubet e natës se sa në fushën e stërvitjeve.

Në nivel ndërkombëtar, ai ende pritet të rikuperohet nga paraqitja larg formës së tij në Gjermania 2006 dhe ka humbur pozitën e tij të yllit në kombëtare, krahasuar me shokun e skuadrës tek Milani, Kaka.

Ai po ashtu kishte vënë në pyetje formën e tij fizike, me një varg fotografish të pahijshme të publikuara në vitet e fundit.

Sidoqoftë, kalimi në Itali i jep atij shans të rindezë karrierën e tij dhe në moshën 28-vjeçare ai do të tentojë të jetë bindës për së paku edhe pesë vite në top formë.

Në San Siro ai duhet të mos ketë shumë probleme të përshtatet, pasi që aty do të gjejë edhe shumë brazilianë tjerë krahas Kakas dhe Patos. Aty është edhe Dida, Emerson, ndërsa mund të pritet edhe një rikthim i Ronaldos.

Na e thoni mendimin tuaj! Cila mendoni se ishte arsyeja e rënies së tij? A do t’i rikthehet Ronaldinho formës së tij të dikurshme?