UEFA Champions League

Titulli: UEFA Champions League Wed Jul 18, 2007 6:04 pm

/ Domzale – Tirana
Sot ne oren 20.15 lokale ne Stadiumin Športni park – Domzale, ne prani te afro 3000 shikuesave (qe eshte kapaciteti maksimal i Stadiumit) drejtuarnga nje tresheje Angleze, me kryesor Martin Atkinson kampionia e Sllovenise NK Domzale to te presi skuadren e KF Tiranes, kampione te Shqiperise
Ndeshja pritet te zhvillohet ne nje ambient sportive dhe shume te ngrohte, ne temperature qe kapin shifrat e mbi 30 gradeve Celcius.
Per skuadren Sllovene do te mungoje mbrojtesi kroat nga Split, Ivan Knezovic I cili eshte I demtuar. Kroasti tjeter qe nuk do te luaje eshte Dario Zahora, i cili do te mungoje per shkak te kartonit te kuq qe mori ndeshjen e fundit ne Kupat e Evropes edicionin e kaluar kur luajti per Koper ne UEFA Cup. DomŽale ka edhe dy demtime te tjera, kapitenin Luka Elsner (kavilje) dhe portierin Dejan Nemec (gjuri). Te dy lojtaret jane me pikepyetje, por qe ka shume mundesi te jene ne formacion. Nese portiere nemec do te mungoje, kjo do te jete nje plus per Tiranen, sepse portiere I dyte Darko Brljak eshte shume I rid he nuk ka asnje experience, pasi nuk ka luajtur me shume se 3 ndeshje
Nga ana tjeter, Tirana do te lauje me formacionin e saj me te mire, pasi trajneri Starova do te kete te gjithe lojtaret ne dispozicion dhe te pa demtuar ose te pezulluar. Skuadra pritet te luaje me formacioni e renditur ne 1-4-4-2.
Formacioni I mundshem eshte: Hidi, Sina, E.Xhafa, Dede, Hajdari, Duro, Çapja, Sefa, Muka, Abazaj, Fortuzi. - Trajner: Sulejman Starova

[/size]
_________________

TE DUA JETA IME

Titulli: Re: UEFA Champions League Thu Jul 19, 2007 6:21 pm

Pas humbjes minimale qe ka pesuar kampionia e Shqiperise, KF Tirana ndaj kampiones Sllovene, Domzale, trajneri Sulejman Starova flet pozitivisht per paraqitjen e skuadres se tij ne pjesen e pare dhe nuk le pa permendur pakenaqesite e tij rreth presences se gjithe lojtareve ne pjesen e dyte. “Ishte nje rezultat I dobishem. Gjate ndeshjes, ne kontrolluam mire pjesen e pare dhe prishem shume aksione te kundershtareve te cilet arriten ten a canin ne mbrojtje me nje goditje nga distance duke shenuar edhe golin e vetem te takimit i cili ktheu rrethanat e lojes permbys. Pjesa e dyte ishte shume e dobet nga ana jone dhe jam shume I pakenaqur nga menyra se si u paraqitem. Megjithate, e rendesishme eshte qe ndeshjen e ardhshme e luajme ne shtepi, ku cdo gje eshte e hapur. Na duhet te luajme shume me mire se sot dhe te shenojme, nese duam qe te kualifikohemi”, u shpreh trajneri Sulejman Starova per mediat
_________________

TE DUA JETA IME

Titulli: Re: UEFA Champions League Fri Jul 18, 2008 4:08 pm

Kampionët e Shqipërisë bënë një paraqitje të shëmtuar në
ballafaqimin e parë kundër homologëve boshnjakë të Modricës, në turin e
parë të Ligës së Kampioneve, duke humbur në shtëpi me rezultatin 2-0,
me dy gola të realizuar në pjesën e dytë nga Miljkoviç (65') e Stokiç
(80'). Si përfundim ka qenë e pashmangshme humbja e tetë e Dinamos në
shtëpi nëpër kompeticionet evropiane dhe dymbëdhjeta në Ligën e
Kampioneve, gjatë 19 ndeshjeve të zhvilluara. Për të dhënë edhe një
statistikë më shumë, kjo ishte humbja e tretë e bluve me shifrat 2-0,
pas atyre me Ajaksin (1980) dhe Beshiktashin (1986).
Formacioni
Blutë
janë prezantuar menjëherë me katër argjentinas të sapoardhur në
formacionin titullar: Daniel Bortoja, Aleandro Paladinio, Agustino
Tapia, Kristian Kampozano. Por një zgjedhje e tillë ka rezultuar e
dështuar për dinamovitët, për më tepër nën drejtimin e teknikut
argjentinas, Marselo Havier Zuleta. Me një formacion, ku ishin të
pranishëm vetëm katër lojtarë që u shpallën kampionë, në pjesën e parë
blutë prodhuan një mori rastesh, duke zhvilluar edhe një lojë të
pëlqyeshme, kurse në të dytën ishin tepër "të varfër".
Rastet
Në
pjesën e parë sulmuesi i Tiranës, i huazuar te Dinamo, Daniel Xhafaj
nuk arriti të shfrytëzojë dy raste të mira në minutat e fillimit.
Mesfushori Allmuça ishte gjithashtu protagonist i një gjuajtjeje
therëse, por sfera kaloi ngjitur me shtyllën pingule. Modrica ishte
shumë e zbehtë në 15 minutat e para, madje thuajse nuk u duk në zonën
dinamovite. Në minutën e 18-të, mesfushori i talentuar Ilirjan Çaushaj
ishte pranë golit, kur goditi fluturimthi, ndërsa portieri i Modricës e
grushtoi topin me vështirësi. Në të 30', Daniel Xhafaj goditi fuqishëm,
por portieri Hadxhidulbiç priti me zgjuarsi. Dhjetë minuta më pas,
mbrojtësi argjentinas i Dinamos, Alehandro Paladino goditi me kokë, por
portieri boshnjak e devijoi në goditje këndi. Në minutën e 41-të,
Kampazano goditi fuqishëm, por Hadxhidulbiç dëshmoi sërish klasin e
tij. Pjesa e parë u mbyll me rrjeta të paprekura. Në fraksionin e dytë,
në të 62', Dinamo goditi shtyllën, por golin e shënoi Modrica, me anë
të Vladimir Miljkoviç në minutën e 65', në të vetmin rast të
boshnjakëve, të cilët patën një tjetër mundësi të artë, pesë minuta më
vonë me anë të Zafiroviç. Modrica kontrolloi tërësisht lojën, duke
shënuar golin e dytë me anë të Stokiç në të 80', duke i dhënë fund
ëndrrës dinamovite për kalimin e turit të parë, pavarësisht se janë dhe
90 minuta të tjera për t'u luajtur në Bosnjë.

Dinamo-Modrica 0-2

Shënues: Miljkoviç 65', Stokiç 80'
Dinamo: Bortoja, Paladinio, Pisha, Diop, Sina, Tapia, Poci, Allmuça, Çaushaj, Kampazano, Xhafaj.
Tr.: Marselo Zuleta.
Modrica: Hadxhidulbiç, Vasiç, Kosiç, Joloviç, Vasiljeviç, Bogiçeviç, Saviç, Zafiroviç, Miljkoviç, Ristaniç, Stokiç.
Tr.: Mitar Lukiç
Gjyqtar: Said Ennjimi (Fra). Ndihmës: Frederic Cano (FRA), Hugues Berly (FRA)

Mitar Lukiç, trajneri i Modrica

"Askush
nuk mund ta mohojë se zhvilluam një lojë më të mirë në pjesën e dytë,
sesa në të parën, ku Dinamo ishte më dominuese me raste të krijuara.
Natyrisht më pas ditëm të përfitojmë edhe nga gabimet e kundërshtarëve
në mbrojtje, ndonëse sidomos goli i dytë erdhi si rrjedhojë e presionit
të kryer nga ana e sulmit tonë. Sigurisht, rezultati na kënaq, por mbi
të gjitha largohemi me një përshtypje të mirë nga loja korrekte e
zhvilluar në fushë midis dy skuadrave dhe nga mikpritja që na u
rezervua këtu në Shqipëri. Përsa i takon diskutimi të kualifikimit mund
të them se kemi një 90 minutësh të dytë për të luajtur në Bosnje pas
një jave dhe çdo gjë është ende për t'u vendosur. Unë premtoj se ne si
skuadër do të luajmë përsëri me maksimumin e forcave tona, për të
arritur një tjetër fitore, që do të na jepte sigurinë e avancimit për
më tej në këtë kompeticion".

Marselo Zuleta, trajner i Dinamos

"Kishim
disa raste në pjesën e parë, të cilat nuk patëm mundësi ti shndërronim
në gol, ndërsa në pjesën e dytë një gabim nga ana jonë i lejoi
kundërshtarëve të shënonin. Në humbjen e sotme nuk ishte fajtor vetëm
mbrojtja. Golat e pësuar erdhën nga kundërsulmet dhe në këto raste
mbrojtësit nuk kanë shumë mundësi. Rezultati në fund të takimit mund të
quhet i drejtë. Kualifikimi për në raundin e dytë është i vështirë, por
do të punojmë për të kaluar. Lojtarët argjentinas, ashtu si e gjithë
skuadra, nuk ishin shumë mirë. Në pjesën e parë u paraqitëm mirë,
ndërsa në të dytëm dështuam. Është e vështirë të ndërtosh një skuadër
për dhjetë ditë dhe të luash më pas në Champions League. Nuk dua të
justifikohem por kam punuar fare pak me këtë skuadër. Për të kaluar
turin duhet shumë punë dhe është herët për të bërë publike ndryshimet".
_________________

TE DUA JETA IME

Titulli: Re: UEFA Champions League Thu Jul 24, 2008 10:21 pm

Një
tjetër humbje për Dinamon, kampione të Shqipërisë, ndaj homologëve të
Bosnjes, që kanë përparuar në turin e dytë të Ligës së Kampionëve, aty
ku do të gjejnë danezët e Alborgut.

Kështu, për
dinamovitët thuajse është përsëritur rezultati i një jave më parë,
ndonëse ndryshe nga atëherë, këtë radhë gjërat në një moment u duk se
do të shkonin shumë më mirë. Para syve të pak më shumë se 300
spektatorëve të pranishëm në stadium "Bilinom Polje" të Zenicës,
formacioni më i "shqiptarizuar" i bluve në krahasim me një javë më
parë, ka dominuar ndaj Modricës, që ka patur edhe një dozë të mirë
fati, sidomos në momentet e finalizimit nga ana e shqiptarëve. Lojtarët
e Mërgjyshit kanë krijuar raste të shumta për shënim, por edhe një herë
tjetër kanë gabuar në çastet e fundit para porte. Megjithatë, pikërisht
kampionët e Shqipërsë ishin të parët që kaluan në avantazh. Daniel
Xhafaj, në të 73', është treguar i saktë, pas një shërbimi të saktë të
Allmuçës, duke kapur në befasi mbrojtjen e Modriçës. Blutë kanë
vazhduar të shpërdorojnë raste, teksa ishin edhe mjaft pranë dyfishimit
të rezultatit, gjë që do të kishte sjellë kualifikimin. Por atëherë kur
pritej goli i dytë i Dinamos, Modrica ka përfituar nga një kundërsulm
dhe moment shpërqendrimi i miqve, për të fiksuar me Zafiroviç barazimin
në minutën e parë shtesë të takimit. Kjo ka qenë një dush i ftohtë për
dinamovitët, të cilët e kanë humbur busullën dhe në minutën e katërt
shtesë kanë pësuar golin e "nokdaunit" me Bojiç. Sipas lajmeve që vijnë
nga Bosnje Hercegovina, media boshnjake ka shfaqur pak interes për
ndeshjen e kthimit të Ligës së Kampioneve, Modriça-Dinamo dhe
veçanërisht për mbërritjen e ekipit shqiptar në Zenica. Mësohet se
takimin nuk e ka transmetuar asnjë televizion. Modrica ka probleme
financiare.
_________________

TE DUA JETA IME